أخبار عاجلة
الرئيسية / أخبار وطنية / بن كيران طلع ليه الشوباني فراسو.. فضيحة تابعة فضيحة ودقة تابعة دقة
http://ahdatdcheira.com/wp-content/uploads/2016/10/adsRESS12.png

بن كيران طلع ليه الشوباني فراسو.. فضيحة تابعة فضيحة ودقة تابعة دقة

FB_IMG_1471036868389

أحداث الدشيرة -لفرشاوي-

     من نهار دخل الشوباني للحكومة وهو كايدير زبايل المرة اللولة دبر على وزيرة وتزوج بيها كزوجة ثانية وخرج هوا وياها من الحكومة … دبر ليه بن كيران على بلاصة ديال رئيس جهة بمانضة ديال وزير وكال على ربي يهنيه لكن الراجل زاد فيه بعد الفضيحة ديال الكات كات توارك اللي بغا يشري ( دوزها ليه بنكيران غير بزز) .

     ودابا طلع مسمار بغا يضبر على راسو, قدم طلب ديال الكرا ديال 200 هكتار دقة وحدة. ودار معاه غير صحاب العدالة والتنمية ومنهم البرلماني ديال المنطقة ورئيس الجماعة ديال ارفود من بلاد الشوباني , وأستاذ جامعي فقنيطرة من الحزب و واحد الحزبي صغيور فالمنطقة وكلهم من حزب واحد.
الشوباني ملي الامور تفضحات دار فيها راسو مستثمر كاليك اسيدي باغي ينتج العلف.. ودابا الشوباني ملي غادي تبيع العلف واش الفلوس ورباح ديال 200 هكتار غايدخل فجيبك ولا في جيب شي حد آخر.

     الحقيقة أنه دار مشروع باش يربح هو وصحابو ديال الحزب وفمقدمتهم مول المشاكل والبلا فتافيلالت النائب البرلماني عبد الله الصاغيري.

     و دابا بن كيران اللي كل مرة كايدافع على الشوباني هاهو حصل فيه ويكدد خيزو دابا.

     كون جرا عليه من النهار اللول وسمع الكلام ديال اللي عارفين الشوباني على حقيقتو كاع مايوصل لهادشي.

http://ahdatdcheira.com/wp-content/uploads/2016/10/adsRESS12.png

عن ahdatdcheira

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

ten − one =

%d مدونون معجبون بهذه: